श्रद्धांजली पॅरिस......

श्रद्धांजली पॅरिस......१५/११/१५

शहरे, महानगरे, रस्ती उदंड फिरतोय जणू मृत्यूचा अवतार |
 पुन्हा पुन्हा कसा घालतोय हा इसीस राक्षस मानवावर वार |

ओलीस जन, हाथ चिमुकले, कसे करती बेछूट गोळीबार |
देशोदेशी वणवा पेटला अधार्मिक, दांभिक चोहीकडे ललकार |

कोण सुरक्षित नुरले कुठे, उपसले घातकी घातपाती हत्यार |
बिमोड व्हावा कि सवयीचा करावा आम्ही हा रोजचाच थरार  |
 

पेटावे युद्ध कि बात करावी अगदी अनुल्लेख हे उद्गार |
मुंबई, सिडनी, पॅरिस अजून किती पाहणार रक्तिम हे शृंगार |

विकसित देश, पुढारले देश परी दुबळ्या नीती चा स्वीकार |
कसा वाढला अंतर्गत अचानक, शोध खदखद आतंकी प्रहार l
 

ठेचावा हा क्रूर दानव, संपवावा कायमचा हा निर्दयी फुत्कार |
माखवावी रक्ताने धरती, नाही नाही कुणासही हा अधिकार |

                                            -- सचिन गाडेकर