नरेंद्रा शांतवन कर जा....

नरेंद्रा शांतवन कर जा .... 7/12/15

नको पडाया कोणी धर्मांधांच्या भक्षी |

नको ओकाया गरळ साधुमहाराज साक्षी |

देश,विकास फक्त असू दे तुझ्या लक्षी |

बेताल बडबडी मथुरेचे वृंदावन कर जा |

नरेंद्रा शांतवन कर जा ....

कुणाला हवे गोडसे कुणाला चर्चेला गोमांस |

पराभव शिकवतो झाला उठाठेवीचा त्रास |

दिसू देत जमिनीवर तुझा प्रयास अन ध्यास |

ज्येष्ठ सहकारी नाराज जरा बोळवण कर जा |

नरेंद्रा शांतवन कर जा ....

झाला स्वच्छ भारत किती परत घ्यावा थोडा शोध |

जनधन झाले यशस्वी किती मिळू दे सर्वाना  बोध |

मांड ठोकताळा मोकळा स्पष्ट दिसेल अर्थपूर्ण नोंद |

होऊ दे चर्चा अन का नसावी तिथे बोलघेवडी घोळवण |

नरेंद्रा शांतवन कर जा ....

आहेत गगनापरी तुजपरी देशाला अपेक्षा बहू |

नको चमत्कार पुरता भले वाट वर्ष पाच पाहू |

द्यावा वाटा समान अन नको नुसताच बाऊ |

बोहल्यावरच्या मित्रांना एकदाच केळवण कर जा |

नरेंद्रा शांतवन कर जा ....

करतोस नित्याने यशस्वी परदेशाटन |

नव्या नव्या योजना अन उद्घाटन |

मेक इन इंडिया चे जगाला आवतन |

नको विखारी भाष्य फक्त योग्य भलामण कर जा |

नरेंद्रा शांतवन कर जा ....