सन्मान राखणार कोण? १०/१/१६

सन्मान राखणार कोण? १०/१/१६

झिजतो दिवा रोज, संपवत स्वत:स तेल न जळते वात |

सूर्य मिळो जगतास प्रभाती कारणी स्वतःस संपवते रात |

जो चालतो जागतो तुम्हाकरी त्याचा सन्मान राखणार कोण?

घेतो मुल्य परी झीझवीत काया, ओतीतो जीव गुरुराज |

देणारा ही नम्र बनावा अगदी, न करता इंचभर सा माज |

पिढी, राष्ट्र, देश घड्वय्या त्याचा सन्मान राखणार कोण?

व्हावा सन्मान अदबीने, ना रेटावी जीभ कधी अपमानी |

द्यावे कान ऐकण्या सबबी, का सदा कदा बेछूट मनमानी |

शांत, संयमी, निर्मम, निरागसतेचा सन्मान राखणार कोण?

होईल बदल मग निसर्गासम अलबत सोडूनी स्वभावास |

देव जाणे कोण दायित्व स्वीकारेल मग संपूर्ण पराभवास |

या अजेय, अविजित, अमेय योध्याचा सन्मान राखणार कोण?

--सचिन गाडेकर