संपला वनवास हा......

संपले मार्ग इथले एकदाचा संपला जीवघेणा प्रवास हा ।
यातना रोजच्या हरामी या एकदाचा संपला वनवास हा ।

सुटली नोकरी हक्काची नशीबी आला भयंकर त्रास हा ।
शत्रुस ही न मिळो देवा अयशस्वी विषारी गळफास हा ।

नको भीक मागणे पाठी लागणे नको फालतू ध्यास हा |
पुरे झाला आशा अपेक्षेचा निर्लज्ज सरकारी हव्यास हा |

छळ म्हणा वा म्हणा शोषण हिरावला तोंडचा घास हा |
सडलेल्या कुजलेल्या अन भयाण भ्रष्ट मनोवृत्तीचा वास हा |

बरे झाले थांबला तरी मृगजळाचा खोटा आता विपर्यास हा |
गमावला मी कायमचाच सरकारी यंत्रणेवरचा विश्वास हा |

- सचिन गाडेकर

स्पंदने माझी