अबला - सबला ?

सेवा करणारी ही माय खुद मायेला वर्ष १४ मरणासन्न झुरते ।

कळकळ तिची किती देशाला मात्र ट्वीटर पुरतीच हो उरते ।

वाद हा ही नाही कि अतोनात तिचे असे हाल कोणी केले ।

आया-बहिणीच्या सुरक्षेला सरेआम बकाल कोणी केले ।

घडवले नवे नेते, अगदीच एकदाचे बदलूनी पाहिले सरकार ।

आकाशी इमले,कागदी योजना,फक्त आश्वासनांची भरमार ।

रस्ते सापळे त्यांच्या मृत्यूचे, बस ट्रेन अधिकृत छेड छाडीचे ।

डोळे झाक सपशेल होते मग येथे नाही पडलेय कुणा काडीचे ।

काही भोगतात काही बोलतात, निडर काही आवाज उठवतात ।

घेऊन चिरीमिरी म्हणे रक्षक खाकीतले स्वस्तात केस मिटवतात ।

घराघरात झुरतेय ती बिनपगारी मोलकरीण तिचे काम ।

कोणी हुंड्यात कोणी बाजारात खुलेआम मोजतोय दाम ।

ती जन्माआधीच मरते अन जगण्या गुलामीही करते ।

जगते,रडते,कुढते अवघडते अन नात्यांमध्ये गुदमरते ।

हो तिलाही अधिकार जन्माचा न कुण्या एका बापाचा ।

थांबव सखी तूच स्वताहून निर्णय सोनोग्राफी पापाचा ।

जाऊदे डंका चंद्रा मंगळावर हो कल्पना अन सुनिता ।

आभाळ अजूनही खुले आहे स्वप्न उदंड मनी बुनिता ।

स्पंदने माझी