तिचा फोटो पहिला अन.....

तिचा फोटो पहिला अन मन चलबिचल झाले |

जुन्या तिच्या आठवणीत नेत्र कसे पुनश्च नहाले |

झाला घोटाळा अन मन परत मार्गी तिच्या निघाले |

अटकावले जे आजतोवारी क्षणात पुन्हा सैल ते झाले |

होते ठरवले मनाशी अन होते अनेक निर्बंध पातले |

निग्रह गेले सुटली हवा अन झालं काळीज राम हवाले |

नेत्र खुलले,रंगली लाली अन हसरे भाव चेहऱ्यावर आतले |

भिनवू लागली काया जणू रोमरोमात घाव मनातले |

कितीदा पहिला फोटो तिचा चक्क पारायणच घातले |

मन सैरभैर,भावना अनावर, निग्रही अंतर्मन बाटले |

मग इच्छा अनिच्छा संघर्ष पूरा हृदयात दाह अनेक साठले |

तिची भेट पहिली ते आजवर कसे अन किती पल्ले गाठले |

समजावले,दटावले,धमकावले अन शपथेने पंख ही छाटले |

जाणते ती दुखात माझ्या आजही सबंध आभाळ फाटले |

स्पंदने माझी