सोसेना विरहाची धग......

सोसेना विरहाची धग...... ४/६/15

मळभ दाटले चहूकडे, की हे भास माझ्या अंतरीचे |

उत्त्पती लय एकची झाले, आता प्रवास दिगन्तरीचे |

हळुवार झाली वेगळी, न कळली कधी मी विसरलो वाट |

सोडली ना मी, ना तू मग, कशी सैल झाली जन्माची गाठ |

बघ पालवी नवी नवी अन आतुर कृष्ण दाटलेले ढग |      

बेचैन मी, कासावीस मी, तुला ही सोसेना विरहाची धग |

कारणे शोधू की देऊ हलफनामे आपल्या दुराव्याची |

की नाही आस्था ना रोष ना ना गरज येथे पुराव्याची |

दुर्मिळ झाले बोल तुझे, झाला दुर्मिळ नात्याचा सहवास |

कडवट अमधुर अशक्त जाहला, मधुर सुरेखसा एहसास  |

कसे पुरतील दिवस ते अन ते पक्के वेड्यासारखं वागणं |

का नाही ठराव केला, का नाही ठरवल शब्दाला जागण |

                              - सचिन गाडेकर